បរិញ្ញាបត្រនីតិសាស្ត្រខ្មែរ-ចិន (២+២)

កម្មវិធីសិក្សាដែលផ្តល់សញ្ញាបត្រពីរ ដោយសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច និងសាកលវិទ្យាល័យវិទ្យាសាស្ត្រនយោបាយ និងនីតិសាស្ត្រភាគនិរតី (SWUPL)។

និស្សិតសិក្សាឆ្នាំមូលដ្ឋាន និងឆ្នាំទី២ នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (បង់ថ្លៃសិក្សា ៥៨០ដុល្លារក្នុងមួយឆ្នាំ)។ ឆ្នាំទី៣ និងទី៤ សិក្សានៅសាកលវិទ្យាល័យវិទ្យាសាស្ត្រនយោបាយ និងនីតិសាស្ត្រភាគនិរតី ទីក្រុងចុងកិង ប្រទេសចិន ដោយមានអាហារូបករណ៍ចំពោះការស្នាក់នៅ និងថ្លៃសិក្សា។

ចំណេះដឹង — ធ្វើការលើប្រព័ន្ធច្បាប់ពីរ គឺច្បាប់រដ្ឋប្បវេណី ព្រហ្មទណ្ឌ ពាណិជ្ជកម្ម និងរដ្ឋបាលកម្ពុជា ព្រមទាំងច្បាប់ធម្មនុញ្ញ រដ្ឋប្បវេណី នីតិវិធីព្រហ្មទណ្ឌ សេដ្ឋកិច្ច និងវិនិយោគរបស់ចិន។

ជំនាញក្នុងការគិត — អនុវត្តវិធីសាស្ត្រច្បាប់ប្រៀបធៀបលើបញ្ហាឆ្លងដែន រួមទាំងវិវាទពាណិជ្ជកម្មអន្តរជាតិ សមុទ្រ និងកម្មសិទ្ធិបញ្ញា។

ជំនាញទំនាក់ទំនងអន្តរបុគ្គល និងការទទួលខុសត្រូវ — ចរចា និងតស៊ូមតិជាភាសាទីពីរនិងទីបី តាមរយៈសវនាការប្រឌិត ការបណ្តុះបណ្តាលមជ្ឈត្តកម្មពាណិជ្ជកម្ម និងការសម្តែងតួនាទីចរចា។

ជំនាញលេខនព្វន្ធ ព័ត៌មានវិទ្យា និងទំនាក់ទំនង — ប្រើប្រាស់ភាសាចិនក្នុងកម្រិតវិជ្ជាជីវៈ រួមទាំងការសរសេរឯកសារច្បាប់។

សញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ។

បេក្ខជនត្រូវឆ្លងកាត់ការប្រឡងចូល។ ចំពោះបេក្ខជនដែលបានបញ្ចប់ការសិក្សាថ្នាក់ទី៩ភាសាចិន ពុំចាំបាច់ប្រឡងចូល ប៉ុន្តែត្រូវឆ្លងកាត់ការសម្ភាសន៍។

និស្សិតដែលនឹងបន្តការសិក្សានៅប្រទេសចិន ត្រូវឆ្លងកាត់ការប្រឡងសមត្ថភាពភាសាចិន កម្រិតទាបបំផុត HSK4។

និស្សិតដែលបញ្ចប់ការសិក្សា មានសមត្ថភាពបំពេញការងារផ្នែកច្បាប់ឆ្លងដែនរវាងកម្ពុជា និងចិន — នៅការិយាល័យមេធាវី ក្រុមហ៊ុនធ្វើពាណិជ្ជកម្មរវាងទីផ្សារទាំងពីរ ស្ថាប័នរដ្ឋ និងអង្គការអន្តរជាតិ។