បរិញ្ញាបត្រគ្រប់គ្រងធុរកិច្ច

ជាមហាវិទ្យាល័យឈានមុខគេនៅកម្ពុជា និងទទួលស្គាល់ជាលក្ខណៈអន្តរជាតិក្នុង​ការបណ្តុះបណ្តាលនិស្សិតថ្នាក់​បរិញ្ញាបត្រ​ជំនាញសេដ្ឋកិច្ច និងគ្រប់គ្រងប្រកបដោយគុណភាពខ្ពស់។

ដើម្បីសម្រេចបាននូវចក្ខុវិស័យខាងលើនេះមហាវិទ្យាល័យវិទ្យាសាស្ត្រសេដ្ឋកិច្ច និងគ្រប់គ្រងដាក់ចេញនូវបេសកកម្មដូចតទៅ៖

• បណ្តុះបណ្តាលនិស្សិតតាមជំនាញនីមួយៗឲ្យមានគុណភាពតាមបទដ្ឋានជាតិ និងអន្តរជាតិ
• លើកកម្ពស់ការសិក្សាជានិរន្តរ៍ និងការយល់ដឹងអន្តរវប្បធម៌
• ជម្រុញ និងលើកទឹកចិត្តដល់ការស្រាវជ្រាវ និងបោះពុម្ពផ្សាយនានា
• បង្កើន និងពង្រឹងសហប្រតិបត្តិការជាមួយមហាវិទ្យាល័យក្នុងស្រុក អន្តរជាតិ និងភាគីពាក់ព័ន្ធដទៃទៀត
• ផ្តល់ឱកាសដល់និស្សិតឲ្យចូលរួមជួយសហគមន៍។

កម្មវិធីអប់រំបរិញ្ញាបត្រគ្រប់គ្រងធុរកិច្ចនេះត្រូវបានរៀបចំឡើងដើម្បីផ្តល់ឱ្យអ្នកសិក្សានូវចំណេះដឹង និងជំនាញទាក់ទងនឹងការគ្រប់គ្រងកិច្ចការអាជីវកម្ម ការវិភាគយុទ្ធសាស្ត្រ និងការប្រើប្រាស់ធនធានមានប្រសិទ្ធភាព។ លើសពីនេះអ្នកសិក្សាជំនាញគ្រប់គ្រងធុរកិច្ចអាចសរសេររបាយការណ៍ស្តីពីកិច្ចការជំនួញទៅតាមសេចក្តីត្រូវការនៃការគ្រប់គ្រងសហគ្រាស។

បន្ទាប់ពីបញ្ចប់ការសិក្សាថ្នាក់បរិញ្ញាបត្រគ្រប់គ្រងធុរកិច្ចអ្នកសិក្សានឹងអាច៖

ក.ចំណេះដឹង

• កំណត់អត្តសញ្ញាណមូលដ្ឋានគ្រឹះ និងទស្សនៈនៃការគ្រប់គ្រងសេដ្ឋកិច្ច គ្រប់គ្រងធុរកិច្ច
• ពន្យល់គោលការណ៍ ទស្សនៈទាក់ទងនឹងការគ្រប់គ្រងធនធានមនុស្ស ភាពជាអ្នកដឹកនាំ
• បង្កើតរបាយការណ៍នៃការធ្វើធុរកិច្ច និងធ្វើរបាយការណ៍បូកសរុបលទ្ធផលកិច្ចការជំនួញ។

ខ.ជំនាញក្នុងការគិត

• បកស្រាយយុទ្ធសាស្រ្តនៃការគ្រប់គ្រង និងវិភាគប្រតិបត្តិការអាជីវកម្ម
• វិភាគរបាយការណ៍
• ធ្វើការសម្រេចចិត្ត។

គ.ជំនាញទំនាក់ទំនងអន្តរបុគ្គលនិងការទទួលខុសត្រូវ

• ធ្វើការងារជាលក្ខណៈបុគ្គល ជាក្រុម
• បំពេញអាជីពប្រកបដោយក្រមសីលធម៌វិជ្ជាជីវៈ។

ឃ.ជំនាញលេខនព្វន្ត ព័ត៌មានវិទ្យា និងទំនាក់ទំនង

• ប្រើប្រាស់ Software សម្រាប់វិភាគ ព្យាករណ៏កិច្ចការធុរកិច្ច
• សរសេររបាយការណ៍លទ្ធផលការងារ។

ក្រោយពីទទួលបានបរិញ្ញាបត្រគ្រប់គ្រងធុរកិច្ច អ្នកសិក្សាអាចទទួលបាននូវឱកាសការងារដូចខាងក្រោម៖

• ជាបុគ្គលិកបំរើការងារលើកិច្ចការជំនួញ និងការងារគ្រប់គ្រងធុរកិច្ច
• ជាអ្នកចាត់ចែងការងារលើកិច្ចការជំនួញ និងការងារគ្រប់គ្រងធុរកិច្ច
• ជាអ្នកគ្រប់គ្រងកិច្ចការជំនួញ ឬធុរកិច្ចរបស់សហគ្រាសខ្នាតតូច ឬមធ្យម
• ធ្វើកាងារនៅតាមស្ថាប័នរដ្ឋ និងអង្គការ។