បរិញ្ញាបត្រគណនេយ្យ

ជាមហាវិទ្យាល័យឈានមុខគេនៅកម្ពុជា និងទទួលស្គាល់ជាលក្ខណៈអន្តរជាតិក្នុង​ការបណ្តុះបណ្តាលនិស្សិតថ្នាក់​បរិញ្ញាបត្រ​ជំនាញសេដ្ឋកិច្ច និងគ្រប់គ្រងប្រកបដោយគុណភាពខ្ពស់។

ដើម្បីសម្រេចបាននូវចក្ខុវិស័យខាងលើនេះមហាវិទ្យាល័យវិទ្យាសាស្ត្រសេដ្ឋកិច្ច និងគ្រប់គ្រងដាក់ចេញនូវបេសកកម្មដូចតទៅ៖

• បណ្តុះបណ្តាលនិស្សិតតាមជំនាញនីមួយៗឲ្យមានគុណភាពតាមបទដ្ឋានជាតិ និងអន្តរជាតិ
• លើកកម្ពស់ការសិក្សាជានិរន្តរ៍ និងការយល់ដឹងអន្តរវប្បធម៌
• ជម្រុញ និងលើកទឹកចិត្តដល់ការស្រាវជ្រាវ និងបោះពុម្ពផ្សាយនានា
• បង្កើន និងពង្រឹងសហប្រតិបត្តិការជាមួយមហាវិទ្យាល័យក្នុងស្រុក អន្តរជាតិ និងភាគីពាក់ព័ន្ធដទៃទៀត
• ផ្តល់ឱកាសដល់និស្សិតឲ្យចូលរួមជួយសហគមន៍។

កម្មវិធីអប់រំបរិញ្ញាបត្រគណនេយ្យនេះត្រូវបានរៀបចំឡើងដើម្បីផ្តល់ឱ្យអ្នកសិក្សានូវចំណេះដឹង និងជំនាញទាក់ទងនឹងការគ្រប់គ្រងហិរញ្ញវត្ថុការវិភាគរបាយការណ៍ហិរញ្ញវត្ថុ និងការប្រើប្រាស់ទ្រព្យសសកម្មមានប្រសិទ្ធភាព។លើសពីនេះអ្នកសិក្សាជំនាញគណនេយ្យ អាចសរសេររបាយការណ៍ស្តីពីលទ្ធផលចំណេញខាតទៅតាមសេចក្តីត្រូវការនៃការគ្រប់គ្រងសហគ្រាស។

បន្ទាប់ពីបញ្ចប់ការសិក្សាថ្នាក់បរិញ្ញាបត្រធនាគារ និងហិរញ្ញវត្ថុអ្នកសិក្សានឹងអាច៖

ក.ចំណេះដឹង

• អនុវត្តមូលដ្ឋានគ្រឹះនៃការគ្រប់គ្រង សេដ្ឋកិច្ច គណនេយ្យ និងហិរញ្ញវត្ថុ
• ពន្យល់គោលការណ៍ និងកត់ត្រាប្រតិបត្តិការគណនេយ្យចូលក្នុងរបាយការណ៍ហិរញ្ញវត្ថុ
• បង្កើតរបាយការណ៍ហិរញ្ញវត្ថុ សវនកម្ម និងធ្វើរបាយការណ៍បង់ពន្ធនិងប្រមូលពន្ធ

ខ.ជំនាញក្នុងការគិត

• បកស្រាយនិងប្រើប្រាស់របាយការណ៍ហិរញ្ញវត្ថុក្នុងការគ្រប់គ្រងនិងវិភាគប្រតិបត្តិការអាជីវកម្ម
• វិភាគរបាយការណ៍ហិរញ្ញវត្ថុ

គ.ជំនាញទំនាក់ទំនងអន្តរបុគ្គលនិងការទទួលខុសត្រូវ

• ធ្វើការងារជាលក្ខណៈបុគ្គល និងជាក្រុម
• បំពេញអាជីពក្នុងពេលអនាគតរបស់ពួកគេប្រកបដោយក្រមសីលធម៌វិជ្ជាជីវៈ

ឃ.ជំនាញលេខនព្វន្ត ព័ត៌មានវិទ្យា និងទំនាក់ទំនង

• ប្រើប្រាស់ Software អនុវត្តលើការងារគណនេយ្យ

ក្រោយពីទទួលបានបរិញ្ញាបត្រគណនេយ្យ អ្នកសិក្សាអាចទទួលបាននូវឱកាសការងារដូចខាងក្រោម៖

• ជាគណនេយ្យករនៅសហគ្រាស ឬក្រុមហ៊ុនឯកជន អង្គការ និងស្ថាប័នរដ្ឋ
• ជាអ្នកគ្រប់គ្រងហិរញ្ញវត្ថុ និងជាសវនករ
• ការងារពន្ធដារ
• អាចគ្រប់គ្រង និងដំណើរការសហគ្រាសខ្នាតតូចនិងមធ្យម